Namminersorneq 2008-mi innuttaasunit taasissutigineqarmat taasisut 75,5 procentiisa akuersaarlugu taasissutigaat. Maannalu namminiilivinnissaq pillugu suliniutit aallartereerput. Inuillu akisussaaffimmik tigusillutik iliuuseqarsinnaasut amerlanerusut pisariaqartippavut.

Tamattali nunatsinnut ineriartortitseqataassagutta, inuttut ataasiakkaatut iliuuseqarsinnaaneq qanoq ilillugu nukittorsarsinnaavarput? Pingaarnerpaat ilagaat suliffimmik paarsilluarneq aammalu meeraqaraanni meeqqanut paarsilluarneq, taakku nunatsinnut pitsaasumik sunniuteqartarput. 

Soorlu assersuutaasinnaapputtaaq:

• Nunami eqqakkat illit qanoq iliuuseqarfigisarpigit?
• Ilinniartuuguit sulisartuuguilluunniit illit qanoq kivitseqataasarpit?
• Meeqqatit akisussaaffimmik tigusisinnaassuseqalersillugit perorsarnissaat illit qanoq pingaartitsigiviuk?

Imminut aperisariaqarpugut: Inuttut ataasiakkaatut UANGA qanoq iliuuseqarsinnaavunga?

Innuttaasut 56.000-iinnaavugut taamaammat immitsinnut pisariaqarteqaagut, tamattami nukittoqatigiikkutta aamma angusassarput anginerussaaq, nunatta ILLIT pisariaqartippaatit, akisussaaffik tiguuk iliuuseqaqataagillu.